Njerëzit që hanë kumbulla e dardhë pas shpinës së Edi Ramës e Erion Veliajt po shtohen. Së fundi me urdhër të SPAK janë arrestuar disa drejtorë të besuar të kryebashkiakut.
Ndërsa më herët gjatë drekës Gazmend Bardhi denoncoi përfshirjen e Olsi Ramës në grupin kriminal të laboratorit të drogës në Xibrakë.
E pavarësisht këtyre deri më tani nga Edi Rama s’ka asnjë reagim. Shumë nga mediat pranë tij kanë heshtur gjithashtu. Ndërkohë kur “bomba” ka plasur në oborrin e Rilindjes, kryeministri bën një reagim në rrjetin X pa asnjë lidhje me çështjet e ditës.
Duke ripostuar një reagim te Bledi Çuçit, për ngritjen e një Komisioni të Posaçëm Parlamentar për të luftuar dezinformimin dhe ndërhyrjet e huaja në proceset demokratike në Shqipëri, Edi Rama shkruan shkurt “shumë e rëndësishme të ecim përpara me shpejtësi të plotë”.
Ky nuk është reagimi që pritet nga kryeministri i vendit. E udhës do të ishte që Edi Rama të shpjegojë pse ka kaq shumë arrestime për korrupsion e shpërdorim detyre në oborrin e pushtetit të tij dhe ai bën gjoja sikur nuk di asgjë.
Të thotë gjithashtu se çfarë e lidh vëllain e tij Olsi Rama me dosjen për laboratorin e kokainës në Xibrakë dhe çfarë qëndrimi do të mbajë ai pasi kreu i grupit të PD, Gaz Bardhi, publikoi sot të dhënat e TIMS dhe pjese nga hetimet e prokurorisë që nuk u çuan asnjëherë deri në fund. Për këto duhet të flasë kryeministri! ©Lapsi.al
