Presidenti rus Vladimir Putin komentoi bombardimet e aleancës së NATO-s, të udhëhequr nga SHBA-ja, që nisën luftën në qendër të Europës në vitin 1999 ndaj ish-Jugosllavisë.
Një çerek shekulli më vonë, agresioni nuk meriton asgjë tjetër veç dënimit, u shpreh Putin. Gjithashtu bombardimin Putin e cilësoi një "tragjedi të madhe".
Lideri rus i bëri komentet e tij në një intervistë për një dokumentar të quajtur ‘Beogradi’ që shfaqet të dielën dhe i kushtohet 25 vjetorit që nga fillimi i sulmeve ajrore të NATO-s.
“Ajo që bëri Perëndimi ishte krejtësisht e papranueshme. Pa asnjë rezolutë të Këshillit të Sigurimit të OKB-së, ata filluan drejtpërdrejt një operacion ushtarak, një luftë në qendër të Evropës dhe me bombardimin e kryeqytetit të Jugosllavisë, Beogradit”, u shpreh Putin.
