Një grup opozitar në Serbi ka nisur sot një peticion kundër një projekti të zhvillimit të pasurive të paluajtshme që do të financohet nga firma e dhëndrit të Donald Trump, Jared Kushner në vendin e ish-selisë së ushtrisë serbe të shkatërruar në një fushatë bombardimi të NATO-s në 1999.
Më herët këtë muaj, Kushner konfirmoi se kompania e tij ka në plan të financojë projektin në qendër të Beogradit. Ai do të kishte një hotel shumëkatësh, një kompleks apartamentesh luksoze, hapësira për zyra dhe dyqane.
Peticioni i kërkon qeverisë së Serbisë të respektojë ligjin, i cili thotë se ndërtesa mund të kthehet vetëm në funksionin e saj origjinal. Gjithashtu kërkohet që në atë vend të krijohet Muzeu i Historisë Serbe.
“Ndërtimi i një hoteli në vendin e kësaj godine është i paligjshëm dhe përfaqëson shkatërrimin e dinjitetit tonë”, tha lëvizja opozitare Kreni-Promeni (Lëviz-Ndrysho). Deklarata tha se 10,000 njerëz nënshkruan peticionin në më pak se 24 orë.
Zyrtarë të qeverisë pro-Trump në Serbi e kanë mirëpritur projektin, por opozita dhe shumë në publikun e gjerë janë shprehur kundër tij. Për shumë njerëz, vendi i ndërtesës së komandës së ushtrisë të bombarduar është një simbol i fuqishëm i rezistencës së Serbisë kundër asaj që ata e quajtën agresion të NATO-s 25 vjet më parë.
Rreth 13,000 njerëz, kryesisht shqiptarë etnikë vdiqën derisa një fushatë 78-ditore e bombardimeve të NATO-s, e udhëhequr nga SHBA, e cila largoi trupat serbe nga Kosova. Kosova shpalli pavarësinë në vitin 2008, por qeveria në Beograd nuk e njeh fqinjin e saj si një vend më vete.
Në fillim të këtij muaji, ministria shqiptare e turizmit pranoi se kishte marrë një aplikim për projekt investimi nga firma e Kushner, Affinity Partners, për të kthyer një ish-bazë ushtarake në ishullin e Sazanit në detin Adriatik në aprtamente dhe hotele luksoze. Kryeministri Edi Rama tha se Shqipëria është krenare që ka tërhequr një interes të tillë.
