Autori i dyshuar për vrasjen e Endri Mustafës, Ibrahim Lici, ka fituar lirinë në Turqi. I arrestuar rreth 1 muaj e gjysmë më parë, një gjykatë në shtetin turk mësohet se ka dhënë vendim lirimi për shkodranin.
Dokumentacionet e nisura drejt Turqisë përmes letërporosive nga Ministria e Drejtësisë nuk kanë bindur autoritetet gjyqësore për të hapur dritën jeshile të ekstradimit në Tiranë.
Lexo më tej: Del foto nga arrestimi i Ibrahim Licit në Turqi
Ibrahim Lici u arrestua më 13 shkurt në një lagje të Stambollit pas shkëmbimit të informacionit mes policisë shqiptare dhe asaj turke.
Pavarësisht 2 veprave penale të kryera në Turqi dhe veprave të rënda penale për të cilat dyshohet në Shqipëri, ai sërish është lënë i lirë dhe Shqipëria shkon në pikën zero për kërkimin e tij.
