Ish-ministri i Shëndetësisë, Ilir Beqaj është paraqitur në prokurorinë e posaçme antikorrupsion. SPAK ka përfunduar hetimet dhe i ka komunikuar akuzën për ‘shpërdorim detyre’ ish-ministrit të Shëndetësisë, Ilir Beqaj për çështjen e koncesionit të sterilizimit. Beqaj ka shkuar mëngjesin e sotëm në ambientet e SPAK, ku po vijon seanca.
Kujtojmë se ish-ministri dhe 8 persona të tjerë, mes tyre ish-zyrtarë dhe biznesmenë, janë zyrtarisht nën akuzë nga SPAK për dosjen për koncesionin e sterilizimit. Në daljet e tij mediatike, Beqaj ka mohuar akuzën e shpërdorimit të detyrës, ndërsa ka qenë i hapur për hetime.
