Një hajdut “profesionist” shqiptar, i cili u përpoq të largohej nga Britania e Madhe së bashku me sendet që kishte vjedhur në Malvern, është burgosur.
Sipas medieve të huaja bëhet fjalë për Arkand Pitarka, i cili u kap në aeroportin Luton teksa po përpiqej të ikte nga Britania.
Vjedhja e tij e fundit ndodhi në Malvern më 3 nëntor të vitit të kaluar.
Pitarka arriti të merrte një sasi të konsiderueshme bizhuterish, por kishte lënë ADN-në e tij në xhamin e shtëpisë që vodhi.
Tani ai është dënuar me 6 vite dhe akuzohet për 5 vjedhje në pesë shtëpi në zonat e pasura të Worcestershire, Gloucestershire dhe Essex.
