Mediat pranë qeverisë njoftuan sot se mes mazhorancës dhe opozitës kanë nisur negociatat për një marrëveshje që synon të kthejë në normalitet situatën politike. Lapsi.al u interesua në radhët e opozitës që kanë konfirmuar se është e vërtetë që negociatat kanë nisur, por deri më tani nuk ka asgjë konkrete.
Burimi pranë opozitës saktësoi se kërkesat mbeten të njëjta, komisionet hetimore për disa nga aferat e korrupsionit të qeverisë dhe reforma zgjedhore.
Mbetet për t'u parë nëse bisedimet do të prodhojnë diçka konkrete, në mënyrë që palët të gjejnë gjuhën e përbashkët.
Edhe seanca e kësaj të enjteje ishte e zhurmshme për shkak të protestës, ndërkohë që mazhoranca kaloi në një atmosferë të ngarkuar ligjet që kishte bërë gati, duke shpërfillur faktin se në sallë kishte vetëm 68 deputetë./Lapsi.al
