Një 23-vjeçar shqiptar u dënua me dy vite burg nga një gjykatë britanike pasi u kap në një “shtëpi bari”.
Mediat britanike raportojnë se 23-vjeçari shqiptar Ylli Cala deklaroi para gjykatës se ishte paguar me 500 paund për të rritur kanabisin brenda një shtëpie në Stone Cross Drive në Sprotborough.
Gjithashtu shkruhet se Cala ka deklaruar se ishte vendimi i tij për të ndihmuar në rritjen e kanabisit, ndërsa ka pranuar të mbante një fitim 15 për qind nga shitja e drogës.
Ferma me drogë është zbuluar mëngjesin e 24 janarit. Pas mbledhjes së informacionit mbi aktivitetet në pronë, oficerët siguruan një urdhër për të kontrolluar adresën. Brenda shtëpisë kishte rreth 90 bimë kanabis me vlerë rreth 90,000 £, ndërsa Cala u arrestua në vendngjarje dhe droga u sekuestrua.
