Një lajm i rëndë ka ndodhur rreth orës 20:25 në qytetin e Korçës këtë të mërkurë. Një person është vrarë në afërsi të një hoteli në lagjen numër 18 të këtij qyteti. Emiljano Pina, i njohur edhe me emrin Jorgo Prifti, rreth 40-vjeç u qëllua nga një person në mes të rrugës “Koço Golniku”.
Pina, një banor i Korçës është dërguar me urgjencë në spitalin rajonal të këtij qyteti, por nuk ka mundur t’u mbijetojë plagëve të marra. Autori i krimit është identifikuar si Ilo Lluka një person rreth 35 vjeç. Pasi ka qëlluar 40-vjeçarin ai është vetëvrarë me armën e krimit. Mbeten ende të paqarta motivet e krimit të rëndë.
“Shërbimet e Policisë kanë shkuar menjëherë në vendngjarje, ku kanë gjetur dhe sekuestruar në cilësinë e provës armën e krimit, gëzhojat. Gjithashtu janë administruar dhe po këqyren pamjet filmike nga kamerat e sigurisë. Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes, si dhe për identifikimin e autorit të ngjarjes” – thuhet në njoftimin e policisë. /LAPSI.al
[video width="640" height="360" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-28-at-21.40.21-4.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-28-at-21.40.20.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-28-at-21.40.21.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-28-at-21.40.20-1.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-28-at-21.40.21-2.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-28-at-21.40.21-3.mp4"][/video]
[video width="640" height="360" mp4="https://cdnimpuls.com/lapsi.al/wp-content/uploads/2024/02/WhatsApp-Video-2024-02-28-at-21.40.21-1.mp4"][/video]
