Një ngjarje tragjike ka ndodhur pasditen e sotme në pallatin e sportit “Asllan Rusi” në Tiranë. Një 16-vjeçar ndërroi jetë pasi humbi ndjenjat teksa po shihte një ndeshje basketbolli. Nga raportimet e para bëhet me dije se adoleshenti po ndiqte një ndeshje të shokëve të tij. Pas lojës adoleshentët janë mbledhur për të festuar, por 16-vjeçari ka rënë pa ndjenja në tokë.
Mësohet se ai prej një viti nuk luante basketboll. Paraprakisht dyshohet se i riu ka pësuar arrest kardiak. Nga policia nuk ka ende një njoftim zyrtar.
