Inspektoriati Kombëtar i Mbrojtes së Territorit ka nisur mesditën e sotme shembjen e disa objekteve pa leje të ngritura së fundi në bregdetin e Lukovës. Në terren për të ndjekur punën e fadromave ka qenë edhe kryeinspektori Ervin Hoxha.
“IKMT do vijojë në përmbushje të detyrave të saj, bashkë me Policinë e Shtetit aksionin në bregdet me qëllim pastrimin e menjëhershëm të plazheve të zaptuara. Aksioni do të shtrihet deri në vijën fundore bregdetare, me ndëshkime e penalitete për personat dhe subjektet që zaptojnë plazhet”, deklaroi Hoxha.
Strukturat pa leje ishin ngritur për qëllime përfitimi. IKMT ka nisur ndërkohë një krehje të të gjithë vijës bregdetare nga Velipoja në Ksamil. Këto muaj para sezonit turstik shfrytëzohen zakonisht për ngritjen e strukturave pa leje në bregdet. IKTM në shumë raste bën evidentimin edhe përmes dronëve apo nga vetë denoncimet e qytetarëve.
