Pas zbardhjes së ngjarjes së rëndë të ditës së sotme në fshatin Shënavlash të Durrësit ku u gjet i vdekur 50-vjeçari Pëllumb Meta janë publikuar edhe pamjet nga vendi ku fëmijët varrosën viktimën. Fëmijët e viktimës pasi e kanë qëlluar për vdekje me armë e kanë varrosur brenda kasollës së lopës. Siç duket edhe në foto ata kanë hapur një gropë te madhe dhe pas ngjarjes së rëndë kanë varrosur babain e tyre dhe ditë më vonë kanë kryer një denoncim se është zhdukur pasi ka dalë për të ikur në punë.
24-vjeçari Hysen Meta së bashku me vëllain 22-vjeçar, Amarildon dhe 19-vjeçaren Hygerta kishin varrosur trupin e babait të tyre pasi djali i madh e kishte vrarë të atin brenda në banesës më 10 shkurt. Në lidhje me ngjarjen janë vënë në pranga 3 fëmijët e tij dhe është proceduat gruaja njëkohëshisht dhe nëna e të arrestuarve.
Pëllumb Meta, ishte raportuar i zhdukur nga djali i 10 ditë më parë. Pas kallëzimit për zhdukje, policia ka ngritur dyshimet se mund të jetë një ngjarje kriminale dhe kanë nisur hetimet. Gjatë marrjes në pyetje të familjes lidhur me zhdukjen e Metës, ka qenë vajza e tij Hygerta Meta, e cila pasi është pyetur disa herë, ka treguar se e ka vrarë babanë e saj dhe e ka varrosur në kasollen pranë banesës së tyre. Më pas u zbulua se vrasjen e kishte kryer vëllai i 19-vjeçares ku tashmë janë vënë në pranga së bashku më vëllain tjetër 22-vjeçar. /LAPSI.al
