Detaje të reja janë zbardhur në lidhje me ngjarjen tronditëse në Durrës, ku Hygerta Meta vrau me armë zjarri të atin, pasi ai dëshironte ta fejonte pa dëshirë me një emigrant në fshat.
Burime bëjnë me dije po vijojnë hetimet në lidhje me një bashkëpunim të mundshme mes vajzës dhe personave të tjerë. Hygerta Meta në dëshminë e saj ka rrëfyer se e ka vrarë të atin me armën e shërbimit, pasi ai ishte roje, dhe e ka groposur në kasolle. Vajza ka thënë se ka qenë ajo që e ka çuar makinën e babait në sektorin Rinia.
“Doja të ndiqja ëndrrat e mija, të vazhdoja shkollën. Dita më e lumtur e jetës time ka qenë kur fitova shkollën. Ai donte të më fejonte me dike që nuk ishte në nivelin tim, me një djalë nga fshati, emigrant në Itali. Por unë nuk doja dhe e vrava.”, mësohet të jetë shprehur 19-vjeçarja para policisë.
