Marrëveshja me Italinë për emigrantë do të shkojnë sot në Kuvend për t’u votuar, ndërsa mazhoranca ka tërhequr ligjin për amnistinë penale nga seanca e sotme.
Në një kohë kur maxhorancës i duhen 84 vota për të votuar amnistinë penale, dje Basha pohoi se deputetët e grupit të tij nuk do të ishin të pranishëm nëse nuk merreshin në konsideratë për këtë çështje edhe amendamentet e tyre. Po ashtu Basha kërkoi dhe lirimin e protestuesve të opozitës që u arrestuan në protestë nga policia.
Sakaq, këto dy projektligje janë kundërshtuar nga opozita, e cila ka lëshuar akuza në drejtim të qeverisë. Ndërkohë opozita prej disa kohësh nuk ka lejuar që seancat plenare të vijojnë në normalitet, pasi kërkonë ngritjen e komisioneve hetimore.
