Mes zhurmës së babilave dhe përplasjeve verbale ka nisur seanca e sotme plenare. Ndërsa Nikolla ka njoftuar se PS është tërhequr nga miratimi i amnistisë penale dhe ka vijuar me rendin e ditës, kreu i grupit parlamentar të PD-së, Gazment Bardhi ka bllokuar foltoren, ndërsa ka replikuar në distancë me kryetaren e Kuvendit.
Në seancë u miratua marrëveshja mes Italisë dhe Shqipërisë për emigrantët me 77 vota pro, ku votave të mazhorancës iu shtuan edhe tre votat e PDIU. Po ashtu, u miratua edhe ligji për ndryshimet në zonat e mbrojtura. Pas votimeve Nikolla ka mbyllur seancë, e cila zgjati rreth 8 minuta.
