Kryeministrja e Italisë, Giorgia Meloni ka reaguar pasi parlamenti i Shqipërisë votoi sot protokollin e bashkëpunimit me Shqipërinë në fushën e migracionit.
Përmes një deklarate të shkurtër, ajo falenderon Edi Ramën, institucionet shqiptare dhe popullin shqiptar për miqësinë dhe bashkëpunimit. Sipas marrëveshjes Rama-Meloni, në Gjadër të Shëngjinit do të ngrihet një kamp gjigant refugjatësh për ata që ikin nga Afrika drejt Italisë.
Marrëveshja u votua vetëm me votat e mazhorancës. Opozita e humbi betejën me këtë marrëveshje edhe në Gjykatën Kushtetuese. Pritet që në muajin mars të nisë ndërtimi i kampit. Brenda një viti marrëveshja parashikon që në vendin tonë të jenë jo më shumë se 36 mijë emigrantë. ©LAPSI.al
