Sonte në ora 18:00 do të mbahen homazhe në Prishtinë në nder të opozitarit të ndjerë rus, Alexei Navalny, i cili vdiq në rrethana misterioze në një burg në Arktik. Përfaqësues të shoqërisë civile në Kosovë do të zhvillojnë homazhe duke ndezur qirinj dhe ekspozuar fotografinë e Navalny njëkohësisht edhe si formë protestë para Zyrës Ndërlidhëse të Federatës Ruse në Prishtinë.
Kujtojmë se udhëheqësi i opozitës ruse Alexei Navalny, ka ndërruar jetë në burgun brenda Rrethit Arktik ku ai po vuante dënimin me 19 vjet burg për vepra që konsiderohen gjerësisht të motivuara politikisht. Ai u transferua në një koloni penale të Arktikut, e konsideruar si një nga burgjet më të vështira, në fund të vitit të kaluar. Sipas deklaratës nga burgu, Navalny u ndje keq pas një shëtitje dhe pothuajse menjëherë humbi vetëdijen.
