Një takim me kreun e prokurorisë speciale, Altin Dumanin qarkulloi si thashethem disa ditë para se sekretari i shtetit, Entoni Blinken të mbërrinte në Shqipëri. Lajmi u konfirmua këtë mesditë, kur kreu i SPAK, Altin Dumani, kreu i gjykatës së Lartë, Sokol Sadushi, kryetarja e Gjykatës Kushtetuese, Holta Zaçaj dhe kreu i ILD, Artur Metani u rreshtuan për ta pritur sekretarin e shtetit tek piramida e rindërtuar pranë kryeministrisë.
Takimi ka zgjatur pak minuta, pasi Blinken mbajti një fjalim ku i thuri lavde kryeministrit Edi Rama, duke e quajtur një udhëheqës të shquar dhe kryeministër të mirë.
Duke qenë se ishin të ftuar në të njëjtin ambjent tek piramida, të përzgjedhurit e drejtësisë së re kanë pasur mundësi të vënë si "vath në vesh" komplimentat e sekretarit të shtetit për Edi Ramën.
