Samiti për Ukrainën që do të zhvillohet në Tiranë do të mbahet me 28 shkurt. Në këtë samit do të jetë i pranishëm edhe kryeministri ukrainas, Volodymyr Zelenskyy.
Kjo vizitë e tij do të jetë për herë të parë në vendin tonë. Ka qenë vetë kryeministri Edi Rama që paralajmëroi nga Shkupi samitin dhe vizitën e Zelenskyy në Tiranë.
Një ditë më pas më 29 shkurt do të priten liderët e Ballkanit Perendimor. Fokusi i takimit mësohet se do të jetë rrugëtimi i vendeve të Ballkanit Perëndimor drejt Bashkimit Europian, ku pritet të diskutohet për objektivat e vendosura nga unioni për vendet e Ballkanit, si edhe krijimin e themeleve për hapat e ardhshëm në zbatimin e Planit të Rritjes dhe avancimit të bashkëpunimit dhe ndërveprimit me Komisionin Europian.
