Shërbimi i Kërkim-Shpëtimit Malor të Kosovës ka konfirmuar vdekjen e një turisteje amerikane rreth te 50-ave, teksa po skijonte në Brezovicë. Sipas njoftimit, asaj i është dhënë ndihma e parë, por ajo nuk ka rezultuar pozitive. Shërbimi i Kërkim-Shpëtimit Malor i Kosovës ka apeluar për të gjithë vizitorët që të kenë kujdes gjatë skijimit jashtë shtigjeve zyrtare.
"Sot me datën 13.02.2024 në orën 16:30 kemi pranuar një thirrje për ndihmë nga Ski Patrolla e qendrës skitare Brezovicë. Informatat e para kishin të bëjnë për humbje në mjegull të dy skiatorëve, por pas mbledhjes së informatave është identifkuar problematika dhe kemi filluar me kërkim në zonën e dyshimtë “Foleja e Shqiponjave” zakonisht faqe malore që njifet si problematike për krijimin e orteqeve.
Anëtarët tanë së bashku me Patrollen e skijimit të qendrës skitare në Brezovicë e kanë lokalizuar viktimën e cila kishte marrë lëndime nga orteku. Me të arritur i është dhënë ndihma e parë por nuk rezultuar pozitivisht.
Pas evakuimit të trupit nga ekipet mjekësore është verifikuar vdekja e skiatorës, shtetase e huaj. Keni kujdes të shtuar gjatë skijimit jashtë shtigjeve zyrtare të skijimit,ashtu sikur kemi paralajmëruar shumë herë, kushtet e këqija atmosferike mund të jenë të rrezikshme për natyra të aksidenteve të tilla" - thuhet në njoftim. ©LAPSI.al
