Katër persona janë arrestuar në Tiranë pasi ushtronin veprimtarinë e jashtligjshme të vendosjes së basteve sportive nëpërmjet aparateve celulare.
Në kuadër të operacionit policor të koduar “Eleven day”, u vunë në pranga shtetasit me iniciale: M. O., 22 vjeç, A. I., 28 vjeç, E. C., 24 vjeç, dhe K. D., 25 vjeç, të gjithë banues në Tiranë.
Gjatë kontrolleve të ushtruara në disa subjekte në Kombinat, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive. Në cilësinë e provës materiale, u sekuestruan 4 celularë që shërbenin për këtë veprimtari të paligjshme.
