Deputeti i Partisë Demokratike, Flamur Noka i ka hedhur miell sekretarit të Përgjithshëm të Kuvendit, Genc Gjoncajt dhe garditësve të cilët nuk e kanë lejuar të hyjë në Kuvend. Po ashtu Noka ka shtruar miell në formën e vizave të kokainës në shkallët e Kuvendit, për të treguar sipas tij se ky është narkoshtet.
“Garda ka marrë fytyrën e narkoregjimit. Ne përfaqësojmë popullin opozitar. Kush e nisi këtë padrejtësi? Ne na mohuan fjalën. Ata tentuan që të zhbëjnë opozitën. Po për ca jemi zgjedhur ne? Ti bëjmë fasadë Ramës? Ne jemi për të përfaqësuar opozitën, ata që duan lirinë.”, tha ai.
