Një shtetas shqiptar është vënë në pranga nga policia greke në pikën e kalimit kufitar në Kakavijë, pasi 4 palestinezë që ai kishte marrë nga kufiri me Turqinë u zbuluan në traktorin e tij.
Në veçanti, pas kontrollit në një traktor, të kryer nga punonjës të Doganës së Kakavijës me ndihmën e punonjësve të Policisë së Drejtorisë së Kontrollit të Pasaportave Kakavije dhe me përdorimin e mjeteve teknike të përshtatshme, në karrocën e tij u gjetën katër emigrantë të paligjshëm të fshehur mes mallrave.
Në kuadër të hetimeve, u sekuestrua automjeti, 350 euro si dhe 4 aparate celularë. Të arrestuarit u dërguan në Prokurorinë e Janinës, ndërsa hetimi paraprak u krye nga Reparti Kufitar i Delvinaqit.
