Një laborator për përgatitjen e heroinës u zbulua në San Severo të Italisë. Pronari, një shtetas shqiptar, u arrestua dhe u sekuestruan mbi 18 kg lëndë narkotike së bashku me materialet dhe pajisjet e përdorura për ambalazhim.
Kontrolli nisi kur një patrullë me rroba civile u parakalua nga një makinë që ecte me shpejtësi të madhe, me manovra të papritura, pa sinjalizuar kthesat dhe pa ndalur në kryqëzime.
Të dyshimtë për sjelljen e shoferit, policët ndoqën makinën deri në ‘Luisa Fantasia’ ku identifikuan drejtuesin.
Shoferi, tashmë i njohur për policinë, është shfaqur i shqetësuar dhe ka raportuar rrethana të pamundura në lidhje me sjelljen e tij, ndaj efektivët kanë vendosur të kryejnë një kontroll më të plotë, duke i gjetur në zotërim çelësat e një makine tjetër, e cila u gjet pak larg.
Policët më pas vazhduan të kontrollonin këtë automjet, duke zbuluar, në mbulesën e pasme, një fund të rremë të fshehur pas paneleve anësore dhe brenda së cilës gjetën 16,500 euro para të gatshme dhe blloqe heroine me peshë mbi 6 kg.
Më pas ata kanë kontrolluar shtëpinë e të arrestuarit, një shtetas shqiptar 40 vjeç, brenda së cilës u gjet një laborator për përgatitjen e lëndës narkotike: një mikser, 1 prese hidraulike 20 tonësh dhe kallëpe për përgatitjen e lëndës narkotike, makineri ambalazhimi me vakum së bashku me mbi 11 kg lëndë narkotike si heroinë, kokainë, morfinë, mdma dhe lëndë prerëse, të cilat u sekuestruan bashkë me pasurinë.
