Zbardhen të tjera detaje nga vdekja e nënë e bije, të cilat u gjetën të pajeta në banesën e tyre në Korçë. Mësohet se e moshuara ishte e paralizuar dhe nuk mund të lëvizte dhe për të kujdesej e bija.
Sipas policisë dyshohet se vajza e saj mund të ketë pësuar arrest kardiak dhe gjatë kësaj kohe e moshuara nuk ka pasur mundësi reagimi. Nga grupi hetimor bëhet e ditur se banesa ishte plotësisht e mbyllur nga brenda.
Nga të dhënat e deritanishme të grupit hetimor, mësohet se të dyja kanë pësuar vdekje natyrale, teksa dyshohet se e para ka ndërruar jetë vajza. Ndërkohë për nënën dyshohet se lënia pas dore e medikamenteve ose ndonjë rrethanë tjetër që lidhej me shëndetin e saj mund t’i ketë shkaktuar vdekjen.
