OSBE i bën thirrje deputetëve të kontribuojnë për një proces parlamentar të qetë e funksional. Përmes një deklarate nga prezenca e këtij institucioni në Shqipëri, thuhet ndër të tjera se punimet e papenguara dhe dialogu konstruktiv në komisione janë thelbësore.
Deklarta
“Çmojmë partneritetin tonë me Kuvendin e Shqipërisë! U bëjmë thirrje të gjithë deputetëve të kontribuojnë për një proces parlamentar të qetë e funksional. Punimet e papenguara dhe dialogu konstruktiv në komisione janë thelbësore. Përkushtimi ynë për një reformë zgjedhore gjithëpërfshirëse dhe në kohë mbetet i fortë. Angazhimi pozitiv i të gjithëve është vendimtar për të pasur sukses”.
Kjo është deklarata e parë që OSBE bën pas kaq shumë kohësh kur Parlamenti është në trazira për shkak se opozitës i mohohet ngritja e komisioneve hetimore.
