Prokuroria e Posaçme ka pranuar kërkesat e avokateve të ish-kryeministrit Sali Berisha dhe Jamarbër Malltezit për të shtyrë seancat e marrjes në pyetje për javën e ardhshme. Ish-kryeministri u thirr të enjten në orën 10:00 në Prokurorinë e Posaçme për t’u marrë në pyetje. Ishin avokatët e Berishës ata që kanë kërkuar shtyrje të seancës, duke kërkuar një orë dhe datë tjetër.
Ish-kryeministri mbahet i izoluar në banesë prej datës 30 dhjetor, pasi gjykata caktoi masën e ‘arrestit ne shtëpi’. Ndërkohë, SPAK do të marrë në pyetje të mërkurën Jamarbër Malltezin, i cili po ashtu ndodhet në arrest shtëpie.
