Donald Trump ka siguruar një fitore dërrmuese në garen e parë brenda partisë Republikane në shtetin e Iowa-s, duke forcuar statusin e tij si kryesuesi i qartë për nominimin presidencial republikan në vitin 2024. Trump siguroi 51.9% të votave të republikaneve të këtij shteti. Guvernatori i Floridës, Ron DeSantis, largoi ish-ambasadoren e OKB-së, Nikki Haley, për të zënë vendin e dytë, por shumë larg Trump me 21.7% të votave. Trump përshëndeti fitoren e tij në një fjalim para mbështetësve, duke thënë se ai dëshiron të “rregullojë problemet e botës”.
“Mendoj se tani është koha që të gjithë ne, vendi ynë të bashkohemi. Qofshin republikanë, demokratë, liberalë apo konservatorë. Aktualisht ne po përballemi me një pushtim”. Para se të largohej nga skena, ai u tha votuesve se kjo “natë shumë e veçantë” është vetëm e para “sepse nata e madhe do të jetë në nëntor”.
Sondazhet treguan imigracionin si shqetësimin kryesor për votuesit, i ndjekur nga ekonomia; Problemet ligjore të Trump nuk ishin një faktor kryesor në mendjet e votuesve. Kushdo që fiton nominimin republikan do të përballet me një demokrat, pothuajse me siguri Joe Biden, në zgjedhjet presidenciale të nëntorit. Gara zhvendoset në New Hampshire të martën e ardhshme. Trump kryeson në sondazhet e shtetit gjithashtu.
