Lulzim Basha është rikthyer në seancën parlamentare, pasi Sali Berisha është izoluar në arrest shtëpie.
Kreu i PD-së së Vulës nuk ka votuar, ndërsa në seancë ka qëndruar i ulur, bashkë me deputetët që i kanë mbetur.
Gjithsesi, seanca parlamentare ishte një rast i mirë për të lajmëruar konsensusin me Ramën për reformën zgjedhore.
Dy bashkëkryetarët e Komisionit Damian Gjiknuri dhe Enkelejd Alibeaj i janë drejtuar me një letër së bashku, prezencës së OSBE në Shqipëri, për Reformën Zgjedhore.
Të dy bashkëkryetarët kanë firmosur letrën ku i kërkojnë OSBE/ ODHIR për të dërguar ekspertët e saj.
“Siç ramë dakord me përfaqësues të OSBE/ ODHIR-it, në takimin e zhvilluar në dhjetor 2023, ku diskutuam punën e Komisionit dhe nevojë që pranë Komisionit të vendoset në dispozicion ekspertiza e ODHIR-it, kemi kënaqësinë që në emër të Komisionit të Pasacëm të Parlamentit për Realizimin e Reformës Zgjedhore, t’u paraqesim kërkesën për të kontribuuar me ekspertë të fushës së zgjedhjeve, të ODHIR-it për të asistuar punën e këtij Komisioni”, thuhet në shkresë.
[video width="848" height="480" mp4="https://cdnimpuls.com/lapsi.al/wp-content/uploads/2024/01/Lulzim-Basha-me-gazetaret-1-1.mp4"][/video]
"Në bashkëpunim me faktorin ndërkombëtar ia kemi dalë të marrim një hap të parë modest për largimin e papërgjegjshmërisë politike përmes reformës zgjedhore dhe në bashkëpunim me aleatët strategjik të Shqipërisë, Partia Demokratike ia ka dalë të bindë palën tjetër për nisjen e punës për reformën zgjedhore”, tha Basha.
