Mbrëmjen e sotme pavioni i kirurgjisë së spitalit të Shkodrës është përfshirë nga flakët. Mësohet se ka rënë zjarr në dhomën e një prej mjekëve. Fatmirësisht nuk raportohet për të lënduar, por vetëm dëme materiale.
Në momentin e zjarrit, pacientët dhe stafi mjekësor i infermierëve janë zhvendosur në një mjedis të sigurt të spitalit. Paraprakisht dyshohet se shkak për zjarrin mund të jetë bërë një ngrohëse elektrike në dhomën e mjekut, e cila është lënë ndezur. Ajo dyshohet se ka shkaktuar një shkëndijë.
