Një 22-vjeçar ka rënë në prangat e policisë së Shkodrës, pasi u kap duke shpërndarë kanabis me doza. I arrestuari është shtetasi me iniciale Y. D. banues në Shkodër.
22-vjeçari u arrestua në bulevardin “Bujar Bishanaku”, teksa lëvizte me një automjet, për të shpërndarë doza të lëndës narkotike cannabis sativa, në lagje të ndryshme të qytetit të Shkodrës.
Autoritetet pas kontrolleve gjetën dhe sekuestruan dozat e lëndës narkotike, një automjet dhe një celular. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
