Një 38-vjeçar me inicialet E. B. është vënë në pranga pasi mbrëmjen e djeshme ka përplasur me makinë në aksin rrugor “Tiranë-Fushë Krujë” një 4-vjeçar dhe babain e tij. Pas ngjarjes 38-vjeçari është larguar nga vendi i ngjarjes. Më tej në njoftim bëhet me dije se djali ka humbur jetën në spital.
Njoftimi i plotë:
Specialistët e Qarkullimit Rrugor Krujë arrestuan shtetasin E. B., 38 vjeç, banues në Tiranë, pasi duke drejtuar automjetin, në aksin rrugor “Tiranë-Fushë Krujë”, ka aksidentuar shtetasin B. B., dhe djalin e tij të mitur 4 vjeç. Si pasojë e dëmtimeve, 4-vjeçari ka humbur jetë në spital.
