Ajo pësoi një sulm të vërtetë seksual në Metaverse. U rrethua dhe u zhvesh lakuriq nga avatarët meshkuj që e gjuanin. Tashmë, policia britanike po heton për herë të parë atë që është një sulm seksual në grup në të gjitha aspektet, edhe pse ai ka ndodhur në një realitet virtual. Viktima, identiteti i së cilës është anonim, është një 16-vjeçare. Vajza thuhet se mbante një kufje të realitetit virtual dhe po luante një lojë kur avatari i saj u sulmua nga disa të tjerë. Edhe pse fizikisht vajza nuk ka pësuar asnjë dëmtim, incidenti në asnjë rast nuk mund të minimizohet dhe të thuhet se ishte vetëm “një lojë”.
“Ka një ndikim emocional dhe psikologjik te viktima i cili është më i fortë se çdo dëmtim fizik” - shpjegon një oficer i lartë policie i intervistuar nga Daily Mail. Për më tepër, cilësia e përvojës metaverse e bën edhe më të vështirë për një fëmijë, në veçanti, për të ndarë atë që është e vërtetë nga ajo që është trillim. Hetimet nga policia britanike nisën pikërisht sepse viktima e re pësoi trauma psikologjike të ngjashme me atë të dhunës fizike.
Konturet ligjore të çështjes janë ende të përcaktuara shumë dobët. Por siç tha një hetues për Daily Mail, Metaverse është tashmë “e barabartë” edhe për krimet seksuale. Në vitin 2022, psikoterapistja Nina Jane Patel, e cila hulumton Metaverse, shkroi për "makthin surreal" të përdhunimit në grup në lojën "Horizon Venues" (tashmë "Horizon Worlds"). Fakti që abuzimi ndodhi në botën virtuale, shpjegoi ajo në një artikull, “nuk e pakëson ndikimin e tij”. Frikë, panik, faj.
“Unë mund ta imagjinoj lehtësisht se si mund të ketë ndikuar kjo tek një vajzë e vogël” – thotë ajo. Pyetja, natyrisht, është nëse përdhunimi në metaverse duhet të barazohet me përdhunimin në jetën reale. Çështja është se viktima është goditur pa dijeninë e saj. Ajo nuk kishte arsye të priste që do të përdhunohej. Nuk dihet ende se çfarë loje po luante ajo kur ndodhi sulmi i supozuar, por nuk ka asnjë lojë online ku qëllimi për lojtarët e rritur është të përdhunojnë fëmijët. ©LAPSI.al
