Tre të rinj janë arrestuar sot në Tiranë, pasi akuzohen se kanë kryer vjedhje me dhunë. Sipas policisë 3 të arrestuarit janë autorë të dyshuar të 4 vjedhjeve të ndodhura ditët e fundit, në disa lagje të Tiranës.
Sakaq në banesën e tyre, policia gjeti dhe sekuestroi lëndë narkotike.
Njoftimi i policisë:
Tiranë
Shërbimet e DVP Tiranë angazhim maksimal për të garantuar sundimin e ligjit në territor, goditjen e veprimtarive kriminale në fushën e vjedhjes së pronës dhe pasurisë dhe vënien përpara përgjegjësisë penale të shtetasve që i kryejnë ato.
Finalizohet operacioni policor i koduar “January”, nga Komisariati Nr. 2, Nr. 1, Nr. 3 dhe Forca e Posaçme “Shqiponja”.
Vodhën me dhunë, shuma të ndryshme parash, identifikohen dhe vihen në pranga 3 autorët e dyshuar.
Zbardhen dhe dokumentohen 4 raste vjedhjesh, të dyshuara të kryera nga 3 të arrestuarit.
