Bilanci i viktimave nga tërmeti me magnitudë 7.5 ballë i shkallës Rihter që goditi Japoninë sa vjen e përkeqësohet. Këtë të shtunë numri i viktimava ka arritur 126. Ndërkohë, autoritetet lokale bëjnë me dije se 210 persona vijojnë të jenë ende të zhdukur.
Mijëra shpëtimtarë vijojnë operacionet e kërkim-shpëtimit nën rrënoja pavarësisht kushteve të pafavorshme të motit. Skuadrat e shpëtimit janë detyruar të punojnë nën rrethana tejet të vështira sidomos pas rrëshqitjeve të herëpashershme të dheut. Sipas medieve të huaja ka pasur rreth 1,000 rrëshqitje dheu në orët që pasuan tërmetin tragjik të ndërrimit të viteve.
