Sali Berisha ka gjetur një rrugë origjinale për të thyer ndalimin e komunikimit që i imponon arresti i detyruar shtëpiak. Ai ka lolur me mikrofon nga dritarja e tij drejt një autoporlanit që ishte vendosur në rrugën poshtë pallatit, aty ku ishin tubuar mbështetës së tij.
LEXO ME TEJ:
Berisha refuzon heshtjen me vendim gjykate, "Dumani vrasës, do ia nxjerr fytyrën"
Berisha ka shpjeguar edhe mungesën e komunikimit gjatë këtyre ditëve me mbështetësit e vet. Ai ka thënë se shkaku nuk ka qenë pengesa e imponuar nga Rama, por shkaku i një gjendje gripale. Dhe ky virus e ka prekur liderin demokrat pasi ai, ndonëse me formim mjeku , ka vendosur të mos e bëjë më vaksinën kundër gripit.
"Nuk kemi patur komunikim zanor me ju, jo për shkak të Edi Ramës, por për shkak të një gjendjeje gripale....Do ju rrëfej një gjë. Gjithë jetën kisha bërë vaksinën e gripit, por kur pushtetet filluan ta imponojnë si në kohën e diktaturës unë hoqa dorë dhe nuk do ta bëj më" i tha ai demokratëve që qëndronin poshtë në rrugë.
Lëvizja antivax është popullore në qarqet e së djathtës konservatore me prirje konspiracioniste. Por lideri i PD e paraqiti vendimin për të mos u vaksinuar më si një zgjedhje të ndërgjegjshme që i jep prioritet lirisë së njeriut përkundrejt zgjedhjeve që i imponohen me forcë.
©Lapsi.al
