Një aksion i mbrëmjes së djeshme nga komisariati i Maliqit ka sjellë arrestimin e 4 të rinjve dhe procedimin e pronarit të një lokali.
Sipas informacioneve, policia ka ushtruar kontroll në një lokal ‘play station’, i cili shfrytëzohej për baste sportive. Nga kontrollet e kryera, u konstatua se 4 të rinjtë në telefonat e tyre ushtronin veprimtarinë e lojërave të fatit duke vendosur skedina. Ata u arrestuan, ndërsa pronari i lokalit do të procedohet në gjendje të lirë. Gjatë operacionit u sekuestruan telefonat dhe materialet i kaluan prokurorisë për hetime të mëtejshme.
