Edhe kur farsa dështon, Edi Rama nuk e ndalon aktrimin. Qeveria ka shpallur sërish se do të vijojë të konsultohet me qytetarët për temat e mëdha shoqërore dhe politike të vendit, ndonëse dy vite më parë mori miratimin e tyre për vijimin e Ballkanit të Hapur një amnisti të thellë fiskale të cilat pastaj i hodhi në kosh pa pyetur askënd. “Agjencisë për Dialog dhe Bashkëqeverisje, në buxhetin e miratuar për vitin 2023, i shtohet fondi prej 43.5 milionë lekësh (të reja shënimi Lapsi.al) për financimin e programit të “Këshillimit Kombëtar”, në përputhje me legjislacionin dhe kuadrin rregullator në fuqi,” thuhet në vendimin e qeverisë të botuar nga kapital.al.
Sipas këtij njoftimi nënkuptohet se kryeministri Rama nuk ka hequr dorë nga i ashtuquajturi konsultim me qytetarët, ndonëse eksperienca e parë rezultoi një dështim.
LEXO ME TEJ:
Pikat kryesore/ Çfarë do të arrijë Rama me Këshillimin Kombëtar
Dy vjet më parë, në 24 dhjetor 2021 Rama e shpalli për herë të parë këtë nismë. Përgjatë gjithë fillimit të vitit 2022, kryeministri informonet me entuziazëm shifrat e qytetarëve që i përgjigjeshin zarfit që ai u kishte dërguar poshtë derës së shtëpisë. Fillimisht tha se e kishin plotësuar 50 mijë vetë, pastaj 90 mijë e në fillim të prillit publikoi shifrën e 563 mijë qytetarëve që kishin dhënë mendimin e tyre. Nga këta gjysëm milioni shqiptarë u tha se 59 % e tyre kishin votur pro nismës së Ballkanit të hapur.
Por në fillim të korrikut 2023, Rama bëri një kthesë të menjëhershme. Nga Ulqini, kryeministri deklaroi beftasi se kjo nismë e kishte kryer misionin. Papritur 303 mijë e 18 votat pro Open Balkan dolën jashtë loje.
Që një projekt i tillë që formëson politikat kombëtare të merrte mbështetje, pasi ishte kritikuar në mënyrë të ashpër brenda dhe jashtë vendit, Ramës iu desh të shpallë Këshillimin Kombëtar.
Me këtë precedent, edhe ndërprerja e kësaj nisme do të duhej të zhvillohej me Këshillim Kombëtar. Por kryeministri u mjaftua me një intervistë mediatike për t’i vënë vulën.
Andi Bushati:Alibia e panevojshme me Këshillimin Kombëtar
Po e njëjta fabul u përsërit edhe me amnistinë fiskale që sipas shifrave të pakontrollueshme që shpalli Edi Rama në prill 2022 mbështetej nga 332 mijë qytetarë (tabela poshtë). Qeveria pavarësisht mbështetjes masive të tyre u tërhoq nga kjo nismë në vjeshtën e vitit 2023, pas presioneve të forta të ndërkombëtarëve dhe pas një negocimi për ta nxjerrë vendin nga lista gri e pastrimit të parave.
Pavarësisht nga këto shifra, që u përdorën në një moment për propagandë, ose si argument kundër institucioneve perendimore, por nuk u morën parasysh asnjëherë, qeveria këmbëngul që ta vazhdojë talljen e konsultimit me publikun.
Amnistia fiskale/ Tërheqje apo përplasje me ndërkombëtarët
Madje këtë herë me kosto dyfish më të lartë. Nëse në 2021 u parashikuan 250 milionë lekë për këtë teatër foni i parashikuar për konsultimin e ardhësh ka mbërritur në 430 milionë.
©Lapsi.al
