Sot do të mblidhet GJKKO për vendimin në lidhje me masën e kërkuar nga SPAK për ish-kryeministrin Sali Berisha. Seanca e djeshme u shty për sot për në orën 15:00, ndërsa avokatët e Berishës dorëzuan sërish kërkesën për përjashtimin e gjyqtares së çështjes, Irena Gjoka.
Kujtojmë se avokatët kanë dorëzuar provat e shkarkimit të Gjokës në shkurt të 1996 nga KLD ku kryetar ishte Sali Berisha. Pas miratimit të autorizimit nga Kuvendi për heqjen e lirisë së Sali Berishës, SPAK iu drejtua Gjykatës më datë 22 dhjetor duke i kërkuar ashpërsimin e masës së sigurisë për ish-kryeministrin.
