Dy gjyqe që do të vendosin fatin e opozitës do të zhvillohen ditën e sotme. Nga njëra anë do të mbahet gjyqi për ish-kryeministrin Sali Berisha, ndërsa në anën tjetër pritet të zhvillohet në Gjykatën e Lartë seanca për çështjen e logos dhe vulës së Partisë Demokratike. Pala mbrojtëse e Berishës, kërkoi një ditë më parë përjashtimin nga procesi të gjyqtares Irena Gjoka, duke dorëzuar provat e shkarkimit të saj në shkurt të 1996 nga KLD.
Çështja e vulës do të fillojë në orën 09:00, ndërsa seanca gjyqësore në GJKKO do të nisë në 11:00, ku do të shqyrtohet kërkesa e SPAK për ashpërsimin e masës ndaj Berishës, nga detyrim paraqitje në arrest shtëpie me mbikëqyrje policore.
