Ka nisur grumbullimi i protestuesve të opozitës në afërsi të Gjykatës së Lartë, ku do të mbahet gjyqi për vulën e PD-së. Protestës i është bashkuar ish-kryeministri Sali Berisha.
“Nisni sot ditën me revoltën tuaj në mbrojtjeje të vlerave të lirisë. Në jetën time kam pasur privilegjin që t’i shërbej Shqipërisë me postet më të larta. Kjo karrierë zhvillon te njeriu natyrën e tij të dytë për respektimin e ligjit. Për Berishën ligji ka qenë përcaktim gjysmë hyjnorë. Një porosi kam pasur gjithmonë për bashkëpunëtorët e mi: respektoni ligjin.
U bënë vite tashmë që armiqtë e mi kanë nxitur hetime shteruese ndaj meje dhe ka një arsye se pse pas kaq kohësh përpjekjesh nuk kanë gjetur asnjë provë, asnjë shkelje, sepse unë kam respektuar ligji. Vështirë të gjendet një tjetër që të ketë konsideratë më të lartë se unë për ligjin. Ky është fakt! ”, tha Berisha para mbështetësve të tij. Protestuesit kanë bllokuar rrugën në afërsi të Gjykatës. Në zonë ndodhen edhe forca të shumta policie.
