Enkelejd Alibeaj e ka dhënë një votë pro arrestimit të Berishës, por siç duket PD e Vulës ka kuptuar se shfaqja e hapur e aleancës me Ramën ia rrënon fasadën e opozitarizmit. Për këtë arsye, grupi i Bashës nuk ka marrë pjesë në votimin e sotëm në parlament, por ka shpërndarë një njoftim ku thotë se votën pro arrestimit të Berishës nuk e dha sepse e pengoi mosfunksionimi i parlamentit.
"Mosfunksionimi normal i seancave parlamentare pamundësoi sot pjesëmarrjen dhe votimin e grupit parlamentar të PD pro heqjes së imunitetit për deputetin Sali Berisha" thuhet në njoftimin e Bashës.
PD e Vulës është pro arrestimit të Berishës. Në Këshillin e Mandateve, Enkelejd Alibeaj mori rolin e protagonistit dhe bashkoi votën me socialistët. Por siç duket në parlament, deputetët e Vulës kanë ngurruar t'i shkojnë deri në fund qëndrimit të përbashkët me Ramën për arrestimin e liderit të opozitës.
