Ditën e shtunë në orën 12:00 do të mblidhet Këshilli Kombëtar i PD-së që drejtohet nga Sali Berisha.Ky vendim u mor pasditen e kësaj të enjteje në mbledhjen e Kryesisë. Mediat raportojnë se përsa i përket riorganizimit të partisë, u vendos krijimi i 4 rajoneve, të cilët do të drejtohet nga 4 koordinatorë. Sipas të njëjtave burime, do të ftohen në organizim edhe Gazment Bardhi dhe deputetët që e mbështesin atë.
Berisha tha në fjalën e tij para anëtarëve të Kryesisë tha se “duhet një ripërshtatje e shpejtë. Duhet ta konceptojmë qëndresën tonë si një betejë të atyre që guxojnë”. Duke iu referuar vendimit të Kuvendit për heqjen e imunitetit, Berisha tha se reagimi i Edi Ramës dëshmon tmerrin që ai ka nga opozita e vërtetë.
"Reagimi i Edi Ramës dëshmon tmerrin që ai ka nga opozitë e vërtetë. Edi Rama është në llojin e tij një hajdut dhe diktator. Në tërësi, është vështirë të ndash diktatorin nga hajduti dhe hajdutin nga diktatori, sepse diktatorit i duken të gjitha pronë e tij dhe ndihet i lirë të vjedhë, të shpërdorojë, të abuzojë mbi pasuritë e shqiptarëve, por problemi më themelor është sepse ai ka arritur t’u konfiskojë votën e lirë shqiptarëve dhe pikërisht me këtë mekanizëm ka vrarë pasivisht shpresën te qytetarët shqiptarë”, - tha nder te tjera Berisha.
Kuvendi miratoi me 75 vota pro kërkesën e Prokurorisë së Posaçme mbi autorizimin për arrestimin e deputetit Sali Berisha përmes zëvendësimit të masës së sigurimit. Berisha është person nën hetim për çështjen e Klubit Sportiv Partizani. Ky hap i ri u hodh, pasi sipas SPAK ai nuk respektoi masën e mëparshme për detyrim paraqitje. Autorizimi i Kuvendit u përcoll menjëherë në SPAK, ku prokurorët pritet të vendosin për masën e re të sigurisë, që do t’i kërkojnë Gjykatës së Posaçme. /LAPSI.al
Për më shumë shihni VIDEON më poshtë të përgatitur nga LAPSI VIDEOS
