Enkelejd Alibeaj është i vetmi deputet i opozitës në mbledhjen e Këshillit të Mandateve ku po diskutohet dhënia e autorizimit për SPAK që kërkon arrestimin e Sali Berishës. Gjatë mbledhjes, avokati i Berishës kërkoi pezullimin e procedurave me arsyetimin se çështja është marrë në shqyrtim nga Gjykata Kushtetuese, por socialistët e hodhën poshtë.
Mbi këtë çështje, kërkoi fjalën edhe Enkelejd Alibeaj që mbështeti logjikën e socialistëve dhe e konsideroi të padrejtë arsyetimin e avokatit të Berishës. Ndaj votën e tij, deputeti i Vulës e bashkoi me atë të socialistëve që vazhduan procedurat. Deri tani partia e Vulës nuk ka pasur një qëndrim të qartë nëse është pro apo kundër arrestimit të Berishës, ndërsa vota e Alibeajt në këtë moment e afron akoma më tej Lulzim Bashën me partinë në pushtet.
