Presidenti i Ukrainës, Volodymyr Zelensky iu është lutur liderëve të BE-së që marrin pjesë në një samit në Bruksel.
Përmes një video-live, Zelensky i kërkoi bllokut të hapë bisedimet e anëtarësimit me vendin e tij.
“Unë ju kërkoj një gjë sot, mos e tradhtoni popullin dhe besimin e tyre në Evropë. Sot është një ditë e veçantë dhe kjo ditë do të mbetet e tillë në historinë tonë. Pavarësisht nëse është e mirë apo e keqe për ne, do të shënohet në histori. Çdo fjalë, çdo hap, çdo veprim dhe mosveprim. Kush luftoi për çfarë.”
Udhëheqësit e BE-së synojnë të hapin sot bisedimet e pranimit në Ukrainë dhe ti hapin rrugë një pakete ndihme prej 50 miliardë eurosh për vendin. Por kryeministri hungarez, Viktor Orban, është shprehur kundër dhënies së dritës jeshile Ukrainës. Vendimet kërkojnë unanimitet, që do të thotë se BE-ja nuk do të jetë në gjendje t’i japë Ukrainës miratimin pa miratimin e zotit Orban.
“Është shumë e rëndësishme që Evropa të mos kthehet në pavendosmëri sot. Askush nuk dëshiron që Evropa të shihet si e pabesueshme. Ose si e paaftë për të marrë vendime. Njerëzit në Evropë nuk do ta kuptojnë nëse buzëqeshja e kënaqur e Putinit bëhet shpërblimi për një takim në Bruksel”- shtoi Zelensky.
