Të shtëna me armë zjarri janë regjistruar në rrugën ‘Don Bosko’ në Tiranë. Mësohet se është qëlluar në drejtim të një makine, por fatmirësisht nuk ka persona të lënduar.
Drejtuesi i mjetit ka bërë kallëzim në polici se një person ka qëlluar me armë zjarri automjetin që ai drejtonte. Në vendin e ngjarjes është vendosur perimetri i sigurisë.
"Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën "Don Bosko", rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar. Grupi hetimor po punon për sqarimin e rrethanave të ngjarjes, identifikimin dhe kapjen e autorit", njofton policia.
