Kryeministri Edi Rama nuk e humb asnjëherë rastin të bjerë në sy në takimet ndërkombëtare. Nuk zhygënjeu as në samitin e Bashkimit Evropian dhe Ballkanit Perëndimor që u mbajt të mërkurën në Bruksel.
“Orkestra BE-Ballkan”, ka shkruar kryeministri krahas një videoje në Instagram ku shihet përballë liderëve të unionit dhe të rajonit duke bërë rolin e dirigjuesit.
Në sy ra edhe një debat mes tij dhe kryeministrit grek Qiriakos Mitsotaqis që ka bllokuar hapjen e grup-kapitujve të parë për shkak të çështjes Beleri.
Presidentja e Komisionit Evropian, Ursula von der Leyen gjatë deklaratës për shtyp u shpreh se unioni dëshiron hapjen sa më të shpejtë të kapitujve negociues me Shqipërinë por pa dhënë një datë të caktuar.
