Kur trupa e Gjykatës së Posaçme të Apelit lexoi vendimin që ia refuzoi Fredi Belerit betimin si kryetar i bashkisë së Himarës, mbështetësit e tij që kishin mbushur sallën shpërthyen në thirrjet "Turp, turp, turp...". Dhjetëra minoritarë dhe mbështetës të tjerë të opozitës nga Himara kishin udhëtuar drejt Tiranës me shpresë se duke u grumbulluar para gjykatës do të ndikonin disi në vendimin përfundimtar.
[video width="848" height="480" mp4="https://cdnimpuls.com/lapsi.al/wp-content/uploads/2023/12/video-minoritaret-ne-proteste-1-1.mp4"][/video]
Beleri në fjalën e tij në sallën e gjyqit akuzoi direkt kryeministrin Rama për presionet ndaj sistemit gjyqësor. "Kanë kaluar 8 muaj dhe në Himarë nuk po respektohet vullneti i zgjedhësve. Nuk e duan Jorgo Goron, por ju nuk jeni dakort, se Goron e do Kryeministri. Nuk kërkoj përjashtimin tuaj, jo se kam besim tek ju, por të gjithë ju dhe ata që mund t`ju zëvendësojnë ju, jeni njëlloj" tha Beleri në sallën e gjyqit duke qenë i ndërgjegjshëm se ky vendim nuk do ta ndryshonte situatën e tij.
Ai citoi edhe kryeministrin Rama, që sipas tij e ka ndjekur personalisht çështjen e tij.
"Fjalitë e tij.. "që provat aty janë", “i thashë drejtorit të policisë do jetë problem i madh nëqoftëse nuk dalin ashtu si thoni ju arsyet e arrestimit", janë presion për Gjykatën Kushtetuese, fjalët “e si mundet dot të betohet Beleri kur ligji s`e lejon?" janë presion për juve" tha Beleri nw sallwn e gjyqit.
Në fakt, me qëndrimet e deritanishme Rama tërthorazi e kishte parashikuar lënien e Fredi Belerit në burg. Kur flet për vendimin e Këshillit Europian të mërkurën, për hapjen e kapitujve të negociatave për Shqipërinë, Rama paralajmëron dështimin për shkak të vetos greke.
"Ne e kemi bërë shumë të qartë që kur të kthehet përmbys i gjithë Këshilli Europian ne nuk negociojmë asnjë gjë kundër interesit më të lartë strategjik të Shqipërisë. Që është zbatimi i reformës ne drejtësi. Ca kohë kërkonin këtë, mor nuk e bëjmë dot harrojeni se futemi ne në këtë. Jo bllokim të integrimit. Se nuk është bllokim i integrimit fare se ajo është një proces politik” u shpreh ai disa ditë më parë në një intervistë në A2.
Këtë parashikim për dështimin në hapjen e negociatave e përforcoi edhe në Kongresin e PS, kur tha: "Në rast se kjo ndodh unë nuk do kthehem nga Brukseli i mërzitur. Asnjë fije i mërzitur, ju siguroj për këtë, por do kthehem dhe më krenar për Shqipërinë"
Greqia e ka bërë të qartë se nëse Beleri nuk lejohet të betohet do të vendosë veton për hapjen e kapitujve për Shqipërinë. Në fund të muajit të kaluar, gjatë mbledhjes së Këshillit të Përfaqësuesve të Përhershëm të Shteteve Anëtare të BE-së, Greqia paraqiti rezerva në lidhje me ecurinë e procesit të anëtarësimit të Shqipërisë, duke iu referuar rastit Beleri.
Gjatë samitit të fundit të Procesit të Berlinit që u zhvillua në Tiranë kryeministri grek Mitsotakis paralajmëroi se vendi i tij mund të vinte veton për hapjen e kapitujve të negociatave mes Brukselit dhe Shqipërisë.
Strategjia e Ramës/ Të qetësojë Athinën, pa liruar Belerin
Ky ka qenë qëndrimi i pandryshueshëm i Athinës që kur Fredi Beleri u arrestua dy ditë para zgjedhjeve lokale të 14 majit, duke u bërë i vetmi kandidat në Shqipëri që zgjidhej në një post publik ndërsa ishte në qeli. Prokuroria e akuzon Belerin për “korrupsion aktiv në zgjedhje”, duke pretenduar se ai i kishte ofruar bashkëpunëtorit të policisë, Arsen Rama, 50 euro për çdo votë që mund të gjente në favor të tij si kryetar i Bashkisë së Himarës.
I pyetur në Real Story nëse mund të pengoheshin negociatat ai u përgjigj me ironi: “Po u penguan për Belerin nami u bëftë”. / Përgatiti Lapsi.al
