Një grup protestuesish për lirimin e Fredi Belerit kanë shpalosur një banderolë para gjykatës së posaçme në Tiranë, pas vendimit për të mos e lënë Fredi Belerin të betohet si kryetar bashkie i Himarës. "Himara e zgjodhi Fredi Belerin si kryebashkiak, tirania nuk do të fitojë" shkruhej në banderolë.
Mbështetësit e Belerit kanë ndjekur seancën e sotme në sallë bashkë me ambasadoren greke dhe kur trupi gjykues shpalli vendimin, salla nisi thirrjet "Turp turp turp".
Fredi Beleri është në burg prej 7 muajsh dhe nuk lejohet të betohet. Prokurorët e SPAK e kanë kundërshtuar kërkesën e tij për t'u betuar pasi thonë se një i pandehur në paraburgim mund të marrë leje vetëm për raste vdekjesh, dasmash apo për të dhënë një provim.
[video width="848" height="480" mp4="https://cdnimpuls.com/lapsi.al/wp-content/uploads/2023/12/video-minoritaret-ne-proteste-1-1.mp4"][/video]
