Një person është arrestuar në Tiranë në kuadër të operacionit policor të koduar “Following”. Ky shtetas, 33 vjeç, banues në Lushnje, ka përndjekur një 24-vjeçare, ka ushtruar dhunë ndaj saj dhe e ka kanosur që të tërhiqte kallëzimin që ajo ka bërë ndaj tij, disa ditë më parë.
Kapja e tij u bë nga Shërbimet e Komisariatit të Policisë Nr. 4, në bashkëpunim me Komisariatin e Policisë Lushnjë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
